منتدى شباب المستقبل للاشهار و التطوير
 
الرئيسيةالبوابةاليوميةس .و .جبحـثالأعضاءالمجموعاتالتسجيلالتسجيلدخول

شاطر | 
 

 كاتب كويتي مسخر الكويت!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن الأمين
المـديـِر العـــام
المـديـِر العـــام
avatar

ذكر عدد المساهمات : 355
تاريخ التسجيل : 05/01/2010
العمر : 28
الموقع : قلــــ الأميرة ـــب

مُساهمةموضوع: كاتب كويتي مسخر الكويت!!   الثلاثاء يناير 26, 2010 8:37 am

كاتب كويتي يمسخر شعب الكويت



** شهالديرة اللي .. ما فيها أدباء ولا فلاسفة ولا فنانين ولا شعراء ولا فقهاء ولا علماء ولا رياضيين و لا اقتصاديين ولا أوبرا و لا متاحف ولا آثار ولا معارض ....



** شهالديرة اللي .. فيها طيران عمره ما طار بالوقت .... و المضيفين يحتقرون الركاب ..... وما تطير طياراتها إلا حق دكا و دكار بومبي وسيلان !!!



** شهالديرة اللي .. محد فيها يحترم قانون المرور ، و السيارة تنساق مثل ما تنساق سيارات التصادم ... كل من يحد كل من .... وكل من يخز كل من .... وكل من يكره كل من ...... وكل من يقط زبالته بالشارع .... هذا ينظف طفايته بالشارع وذاك يقط كيس الماكدونلد بالشارع وذاك ينخم بالشارع ..... وذاك يطشر قطف زجارته بويه إللي وراه هم بالشارع .... وذاك ياخذ شور بالشارع ..!!! وسلم لي عالأدب !! وتقوله يالحبيب عيب ما يصير !!!! قال لك : كيفي كويتي !!!



** شهالديرة اللي .. اللي فريقها يوصل كأس العالم سنة 1982 و يطلع الأخير بكأس الخليج سنة 2007 !!!! ويفوز بكأس آسيا سنة 1980 ... وما يقدر يوصل نفس الدورة سنة 2007 !!!!!!!



** شهالديرة اللي .. اللاعب فيها لما يسجل هدف ... ربعه اللاعبين يطبون على رئيس النادي و يبوسونه !!!!



** شهالديرة اللي .. إللي ينطق فيها الضابط بلبسه ... و الطبيب بعيادته ... والمدرس بمدرسته .....!!!!



** شهالديرة اللي .. كل شي فيها بالواسطة ...... سرير بمستشفى بواسطة ... تعيين بوظيفة بواسطة .... موعد طبيب بواسطة . و الليسن بواسطة ... وأتدخل أعيالك مدرسة خاصة وتدفع فيها دم قلبك بواسطة .... تلعب بالمنتخب !!! هم بواسطة !!!!!!!



** شهالديرة اللي .. أهم اهتمامات الشباب فيها إن يظبط بنات .... حتى لو غصب ... يفتح باب سيارتها غصب .... يرقمها غصب ... يتل حجابها غصب ....... شنو حرب !!!



** شهالديرة اللي .. البنات المتحجبات يحطون قوطي نيدو تحت حجاباتهم ويقولون .... ستايل !!!!



** شهالديرة اللي .. الريال يطلع مع زوجته وكل الشباب يخزونها بلا حيا ولا مستحى ....!!! والريال فقير مو عارف شسوي !!!!



** شهالديرة اللي .. كل شبابها معضلين !!!!!!!!



** شهالديرة اللي .. فيها الخدامات عندهم موبايل ..... !! والسايق موبايل ..... والصبي موبايل ....!!! والياهل إللي عمره 3 أيام .... موبايل !!!!



** شهالديرة اللي .. فيها البنغالية أكثر من عدد الشعب !!!!



** شهالديرة اللي .. لما تسب واحد مو كويتي تقوله : يالمصري !!! يالسوري !!!! ياالزلمه!!!!

وهم تقوله : شفت خشمك !! طاويهك ...... طا حاجبك ..... يالحافي يالمنتف .... يامعوعو ....!!!! شهالحجي الماسخ !!!!



** شهالديرة اللي .. الشعب صار له 20 سنة يتحلطم على نوعية أعضاء مجلس الأمة !!!! طيب منو انتخبهم ؟؟؟؟؟ سكان الأسكيمو !!!!!!



** شهالديرة اللي .. فيها مذيع الراديو يظغط المتصلين !!!! كله ظغاط ظغاط ظغاط !!! وبعدين .... لو تسأل المذيع وين آيسلندا قال يم ..... تنزانيا !!!!!!



** شهالديرة اللي .. أشهر مذيع فيها من نوعية : مشعل شايع !!! ما يذكركم بلاري كنغ !!!!!



** شهالديرة اللي .. التعليم الحكومي فيها تحت الصفر !! ومعلمة الابتدائي تكتب للتلميذات على اللوحة : أنتي فتات ..... يعني : إنت فتاة !!!!!!!!!!



** شهالديرة اللي .. فيها الأوادم السنعة ضايعة .... وبشار الشطي يستقبله بالمطار 20 ألف آدمي !!!!!!!!!!





** شهالديره اللي .. ماتعرف بناتها من شبابها كلهم لابسين polo او نظارة ريبان شنو كلكم نفس الستايل !!!


**
شهالديره اللي .. بس تطلع شغله الكل يبي يشتريها حتى لو يتسلف واللحين هابين بتلفون بلاك بيري ويدلعونه يسمونه بيبي .. بالله شالمصاخه ! ايقولون تلفون قز حطه عالطاوله واهو يضبط صج مخوخهم كله بالبنات والمصخره ... جنه ماعندهم اهل مالت عليكم !!!!



** شهالديرة اللي .. جرايدها تكتب بالبنط العريض : أحمد داوود صورة مشرفة للشاب الكويتي !!!!!

منو أحمد داوود ؟؟؟؟؟؟؟؟؟؟؟



** شهالديرة اللي .. الكتاب ينباع فيها بربع دينار ...... ومحد يشتري !!!!!!



** شهالديرة اللي .. كل ما تكلم واحد قال لك : يبيله !!!!! شنو يبيله ؟؟؟؟



** شهالديرة اللي .. كلها صراخ و نجره ولويه وسب و قذف وبوق و حرمنه ورشاوي وشراء أصوات ....... وبعدين يقولون : ديمقراطية !!!!!!!



** شهالديرة اللي .. حطمت الأرقام القياسية بعدد المرضيات و التزرق من الدوام وبعدين يقولون :

زيدوا معاشاتنا !!!!! هذي ام ساااااااااااارونه لوووووووووووووووووول



** شهالديرة اللي .. مافيها رياييل كلش !!


** شهالديرة اللي .. كل من يمر بشارع الحب يتلفت !!





** شهالديرة اللي .. بسنة وحده كل بناتها صاروا مفصخات !! هذا الي يقول الي عمره ماتبخر تبخر واحترق) ويعيبون على الغرب !! الغرب صاروا أستر منكم !!




** شهالديرة اللي .. ريايلها قامو يحشون اكثر من حريمها !!


** شهالديرة اللي .. لمى يفوز واحد برنامج حفظ القرآن محد يستقبلة ولايدرون عنه . و لمى ايي واحد من ستار اكاديمي ولا 30 الف بنطرونه بالمطار !!


** شهالديرة اللي .. مايصلون إلا شهر 12أو 6 علشان امتحانات نص واخر السنه .. وايد ناس قاعده تضحك الحين Smile


** شهالديرة اللي .. شبابها بالصيف كلهم يبون يسوون برونز !!


** شهالديرة اللي .. شبابها وبناتها كلهم قزيزه اوكل اسبوع بمطعم وكله يشكون ماعندنا فلوس !!


** شهالديرة اللي .. لازم الكل يوم السبت يروح الافنيوز و يقعدون في لورنزينو يعني قزيزه !!





** شهالديرة اللي .. فيها كل هالبلاوي و أكثر ويقولون .... الله لا يغير علينا ..!!!!!











الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.hassanspa.net
ياسر الأمين
المـديـر العـــام
المـديـر العـــام
avatar

ذكر عدد المساهمات : 286
تاريخ التسجيل : 28/12/2009
العمر : 21
الموقع : ضائع

مُساهمةموضوع: رد: كاتب كويتي مسخر الكويت!!   الخميس يناير 28, 2010 3:42 am

تسلم اياديك على شهالديرة هههه
ــــــ
مشكوور و في انتظار المزيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مسلم
عضـو جـديد


عدد المساهمات : 6
تاريخ التسجيل : 05/02/2010

مُساهمةموضوع: رد: كاتب كويتي مسخر الكويت!!   الجمعة فبراير 05, 2010 12:05 pm

شكرا لك جزيلا
لكن لم أفهم أهو استهتارأم استهزاء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كاتب كويتي مسخر الكويت!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة عيون مكة ::  :: الشٍعـر والخَوُآطر والنثـَر-
انتقل الى:  
منتديات محبوب الملايين
منتديات تراثي   
منتديات ياسر الأمين
منتديات ستي كول
أضف موقعك أضف موقعك
أضف موقعك أضف موقعك
سحابة الكلمات الدلالية