منتدى شباب المستقبل للاشهار و التطوير
 
الرئيسيةالبوابةاليوميةس .و .جبحـثالأعضاءالمجموعاتالتسجيلالتسجيلدخول

شاطر | 
 

 شعر مكاوي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عزوز القحطاني
عضـوفعـال
عضـوفعـال
avatar

عدد المساهمات : 132
تاريخ التسجيل : 30/12/2009

مُساهمةموضوع: شعر مكاوي   السبت يناير 09, 2010 12:43 pm

السلام عليكم
كيفكم يا حلوين

اليوم جبتلكم شعر يحكي حال اولاد ايام اول في مكة

قبل ما نبدأ الي ما يعرف بعض المصطلحات يراجعني
ههههههههههههههههههه


نسمة حلوة جات في بالي
يا زقاق بيتنا القديم
نعنشت بستان خيالي
بريحة النبك و النيم
لما كنا صغار و دقة
و كانت حالتنا طينة
و نحن نلعب في الأزقة
و لا أحد يسأل علينا
هادا قرصتو بقه
و عمال تهرشلو أمينة
و هادا في جيبوا بقعة زرقة
واصلة لحد الفنيلة
و هادا ماسك أم طقة
يسئلها نروح المدينة
و دا ماشي و في توبو قلقه
و كائنوا كان جالس في كينة
و دا يلحس حمر في ورقة
و البحر خلا طحينة
و دا يلف في مرقة
و فمه شغال زي الماكينة
و دا شايل على راسه شقة
يخبزها لخالة حسينة
و هادا متشعبط في سقا
سألوا متى رايح تجينا
و دا عمال يحنجل على عمره ابن الذين
قال بيلعبلي بربر تقول في رجلو غرغرينة
و عيال عمال تزعق
يا مطرة حطي علينا
و حمرة من الروشان تبربر
اكنتم عساك القرينة
و دول في لعبة أودام
و دول في استوات المقادم
و دا شبر مات البراطم
و مسوي شوطة و ازعرينه
و دول في طبيش الأعمى
و هادا يجري ورا الكلاب
و دا في البازار يستحما
حتى ما تشوف امه الهباب
و دا يغبا يقلبها ظلمة
يحرش مين يكش التراب
و دا مسوي صياح و رجة
و دا كب دقيق حجة
و هادا بيسبسب في كنجة
مع أنه زي الغراب
و هادا بيلعب برجون
و هادا جاب بالكورة قول
و هادا خوف من العيون
لبسوه أهل حجاب
و دا ماسكله جنط
يجرى ورا بحديدة
و عمال ينقز و ينط
و شبب و فردة و فريدة
و دول في طيري طار
و دول ينطوا فوق أشبار
و دا راكب فوق جريدة
قال مسويها حمار
و دا بيطقطق أقر
و هادا بياكول لنقطة
و هادا بيغمس في شرش
و الحكاية ملخبطة
و هادا من قوة بطر يبغى ياكل لغمطة
و شيبة زورو انشقر
سيب يا واد الشعبطة
كنت تشوف الحكاوي
و اللي يمشوي السقاوي
ياكل كل يوم علقة
عشان يطلع شقاوي
اشتقت يا زقاقنا لجارك
لكل مين دعساك و زارك
اشتقت للوزك الهندي
اتشعبطلو أشجارك
و هادي نسمة خفيفة
من حياة حلوة و لطيفة
صورة من الماضي الكريم
في زقاق بيتنا القديم

وسلامتكم

يلا في انتظار ردودكم


يحيى الامين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ياسر الأمين
المـديـر العـــام
المـديـر العـــام
avatar

ذكر عدد المساهمات : 286
تاريخ التسجيل : 28/12/2009
العمر : 21
الموقع : ضائع

مُساهمةموضوع: رد: شعر مكاوي   السبت يناير 09, 2010 1:12 pm

يحيى الامين
يسلمووو و ما قصرت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شعر مكاوي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة عيون مكة ::  :: الشٍعـر والخَوُآطر والنثـَر-
انتقل الى:  
منتديات محبوب الملايين
منتديات تراثي   
منتديات ياسر الأمين
منتديات ستي كول
أضف موقعك أضف موقعك
أضف موقعك أضف موقعك
سحابة الكلمات الدلالية